வாழ்க்கையில் முன்னேற பொறுமை மிகவும் ஒரு முக்கியமான பண்பு ஆகும். பொறுமை என்பது தமக்கு துன்பம் ஏற்படும்போது உணர்ச்சி வயப்படாமலும், கோபம் கொள்ளாமலும் இருக்கும் மனநிலை ஆகும். மற்றவர் தம்மை இகழும் போதும் கூட, பிரச்சனைகள் ஏற்படும் போதும், அமைதியாக இருக்கும் குணம் ஆகும்.  என்ன நேர்ந்தாலும் அமைதி காப்பது, மௌனமாகச் சிரமங்களைச் சகித்துக்கொள்வது என்பதே பொறுமை. “பதறாத காரியம் சிதறாது” என்பார்கள். நம் வாழ்க்கை பாதையை நாம் தேர்ந்தெடுக்கும்போது, பொறுமையாக சிந்தித்து நாம் முடிவெடுப்பது மிகவும் இன்றியமையாததாகும். வாழ்க்கையில் பிரச்சனைகளும் சவால்களும் வருவது இயல்பு. ஆனால் எத்தருணத்திலும் நாம் நம் பொறுமையை இழந்துவிடாமல் நடப்பதே மிகவும் முக்கியமான பண்பு ஆகும். ஆகவே, வாழ்க்கையில் நாம் வெற்றி பெற இந்த நிலம் போல பொறுமையுடன் செயல்பட வேண்டும்.