Аса қамқор. Оның қамқорлығы Өзі жаратқан бүкіл мақұлықтарына тиесілі. Пайдасы: Алланың бұл есімін зікір еткен адамның ойлау және жаттау қабілеті күшейеді. Сондай-ақ, ол адам қаталдықтан арылады.

Ерекше мейірімді, Рахымды. Бір жақсы іс үшін бірнеше есе сый береді және ешқашан сауап істерді жоймайды. О дүниеде тақуа мұсылмандарға мейірімді болады. Пайдасы: Бұл есімді 100 рет атап жүрсе, қайғы-қасіреттен аман болады.

Патша. Ол қалай басқарса да, Өзі біледі. Оған кеңесші қажет емес. Барлығы Оған тәуелді.

Пайдасы: Бұл есімді зікір етіп жүрсе, ақшадан қысылмайды.

Қасиетті. Өте пәк, кемшіліктерден ада және адам баласының ойына келетін пішін-келбеттен тыс.

Есендік беруші. Жетіспеушіліктерден пәк. Өзінің жаратқан мақұлықтарына амандық береді. Пайдасы: Бұл есімді 99 рет оқып, науқасқа шипа тілеу арқылы науқас жазылады.

Қорғаушы, Сенуші. Өзі туралы ұлық кітаптар мен пайғамбарлар арқылы білдіртеді. Өзінің сүйікті құлдарын қауіп-қатерден сақтайды.

Үстем, Қорғаушы. Баршаның үстінде билік жүргізеді және бәрі де Оның иелігінде. Жаратқан мақұлықтарының үстінен қарап, бақылап тұрады. Пайдасы: Бұл керемет есімді ғұсыл алғаннан кейін екі ракағат намаз оқып, 100 мәрте шынайы ықыласпен айтса, Алла тағала оны рухани тазартады.

Аса зор, Ұлық, Қуатты, зор кеңшілік Иесі. Онымен ешкім теңесе алмайды. Пайдасы: Алланың бұл көркем есімін таң намазынан кейін 40 рет қайталап оқыса, Алла тағала оны қаржы мәселесінде басқалардан тәуелсіз етеді

Аса өктем. Билік пен қуат Иесі. Нені қаласа, соны кімге де болса істете алады.

Пан, ұлылық және биіктік Иесі. Пайдасы: Кім бұл көркем есімді зікір етіп жүрсе, халық арасында құрметті болады.

Жаратушы. Мақұлықтарын Өз еркімен жаратады. Ол әр нәрсені көркем түрде жаратады.

Жаратушы, жоқтан бар етуші. Алла әрдайым жаратуда. Пайдасы: Егер бала таба алмаған әйел 7 күн ораза ұстап, «Әл-Бариу, Әл-Халику, Әл-Мусаууиру» деп 21 рет айтып суға дем салып, ауызды сол сумен ашып, шынайы ықыласпен жалғыз Алла тағалаға дұға етсе, иншаллаһ, оған Жаратушы бір нәресте береді.

Келбет беруші. Өзінің қалауымен әрбір жаратқан нәрсесіне ерекше келбет және әртүрлі пішін береді. Миллиардтаған келбет жаратқан Алла тағалаға ешкім теңесе алмайды

Аса жарылқаушы. Күнә және жаман істерді кешіруші. Бұл дүниеде құлдарының жамандығын жасырып, қияметте күнәларын кешіріп, жарылқайды. Пайдасы: Кім осы әдемі есімді жұма намаздан кейін 100 рет қайталаса, оған Алла тағала кешірім етеді. Кім екінті намазынан кейін «Иә Ғаффару фирли» деп айтып жүрсе, Алла тағала оны кешірім етілген құлдарының қатарына қосады.

Өте үстем, Қапарлы. Өзіне қарсы шыққандарды қатты азаппен қорлайды, өлтіреді немесе көпшіліктің алдында беделін түсіреді. Оның жазасынан ешкім аман қалмайды. Пайдасы: Дүние сәнін жақсы көретін пенде Алланың бұл есімін қайталап, Оған мойынсұнып жүрсе, Алла тағала ол адамның иманын күшейтеді.

Өте жомарт, береген. Адамдарды Өз нығметтерімен ризыктандырады. Беремін деген нәрсесін береді. Пайдасы: Кімде-кім дұғада бұл есіммен Аллаға жалбарынса, ол ешқашан қайыршы болмайды

Ризық, тамақ беруші. Алуан түрлі ризықтарды жаратады және сол ризықтарымен мақұлықтарын ризықтандырады

Жақсылық жасаушы. Асқан мейірімінен құлдарына төгіп беріп, жақсылық істейді. Шындықты әшкерелеп, өтірікті өрге асырмайды. Кімде-кім өзінің оң қолын кеудесіне қойып Аллаһ тағаланың бұл әдемі атын таң намазынан кейін 70 рет қайталаса жүрегі нұрланады, көңілі шаттанып жәй табады.

Бәрін білуші, Терең білім иесі. Ол әр нәрсені толық біледі және де Ол білмейтін ешнәрсе жоқ. Аллаһ тағала – білушілердің білушісі. Пайдасы: Кім бұл есімді атап, зікір етіп жүрсе Аллаһ тағала оған білім мен даналықтың есіктерін ашады.

Қысып алушы. Кімге қаласа ризығын береді, қаласа бермейді. Пайдасы: Кім бұл есімді қайталап айтып жүрсе аш-зарыққан болмас

Жаюшы. Өз ризық нығметтерін қалаған құлдарына береді

Түсіруші. Аллаһ тағала кәпірлерді тозақтың түбіне түсіреді және кәпірлерге қайғы, мұң-зар мен азап береді. Кім Аллаһ тағаланың бұл ғажайып есімін 500 мәрте зікір етсе Хақ Тағала оның дұғасына жауап береді.

Көтеруші, Биіктетуші. Өзіне жақын құлдардың беделін бұл дүниеде де, ахиретте де көтереді.

Қуат беруші. Өзінің мүмин құлдарына мықты қуат береді. Олардың мойынсұнғандары үшін күнәларын кешіріп, жәннатта құрметті орын береді.

Кемсітуші. Кәпірлерді мойынсұнбағандықтары үшін кемсітеді, оларға «азап үйін» - тозақты дайындайды.

Әр нәрсені Есітуші. Әр естілетін дыбыс ғайып айтылса да Оның есітуінен тыс қалмайды. Ол құпияның бәрін біледі. Оның ести алмайтын нәрсесі жоқ. Ол барлық сыбыс, дыбысты естиді.

Көруші. Ол бәрін Көреген. Адам және басқа мақлұқтар көрмейтінін бәрін көреді. Оған көрінбейтін зат жоқ. Ол ғайыпты да көреді.

Хәкім. Қазы, Төреші. Соттың үкімі Оның құзырында. Оның үкімі кесімді. Оны ешкім сынай алмайды және Алланың үкімдерін кемсітіп, жамандауға ешкімнің хақысы жоқ. Пайдасы: Кім дәрет алып, осы есімді күніне 99 рет зікір етсе Аллаһ тағала оның жүрегін нұрландырады.

Әділ, Адал. Ол кімге болмасын, ешбір әділетсіздік жасамайды. Ол өз шешімдерінде әділ.

Жұмсақ, зор кеңшілік Иесі. Өзінің құлдарына өте ілтипатты. Өз құлдарының істерін толық біледі және адамдардың мінездеріне жұмсақтық салады

Толық хабар алушы. Барлық істер оның қалауымен жасалады. Ол ешқашан хабарсыз қалмайды. Пайдасы: бұл көркем есімін қайталаған адамды қанағатты етеді.

Ерекше Мейірімді, Өте Жұмсақ. Азабын тездетпейді, бірақ малғұн шайтанға еріп, күнәлі іс жасағандарға азабы жақын.

Аса зор, кеңшілік Иесі, Мәртебелі, Ең Ұлы. Оның мәртебесінің басы да, соңы да жоқ.

Кешіруші, күнәларды кешуші. Кешірім сұраушыларды күнәлары үшін қолға алмайды, жаман істерін жақсы амалдарға ауыстырады.

Шүкірді қадірлеуші. Адамдарға шүкірлік айтқаны үшін мәрхамет етеді. Құлдарына көркем істері үшін ізгілік етеді.

Өте биік, Жоғары, Мәртебелі. Адамдардың сезім, сана және басқа қабілетіне келетін бейнелерден тыс, одан жоғары. Ол әр уақытта биіктікте.

Ұлық, Ең Ұлы, Абырой және мәрхамет иесі. Адамдардың ойлау, көру және сезу мүшелерінен тыс.

Қорғаушы. Сүйікті құлдарын жамандық пен кесірден сақтайды. Өз құлдарының сауап істерін қиямет күні мәрхамет ету үшін жазып, сақтайды. Аллаһ тағала әлсіздердің жәрдемшісі.

Азық беруші. Азықты жаратып мақұлықтарына таратып береді. Даналықты және білімді жүректерге жеткізеді.

Есеп беруші, Жеткізуші. Өз құлдарының қажеттерін өтейді. Олардың бұл дүниеде жасаған амалдарына қиямет күні есеп береді

Биік, Үлкен, Өз ұлығында өте биік. Қадір-қасиетінде аса Ұлы

Құрметті, Мәрхамет иесі, ізгілік істеуші. Оның рахымында шек жоқ. Ізгілігі ешқашан таусылмас. Уәде берсе, толығымен орындайды.

Қараушы, Бақылаушы. Ол әр нәрсені көріп, біліп тұрады. Ешнәрсе оның алдынан өтпей кетпейді.

Жауап беруші. Оған дұға етіп жалбарынған құлдарына жауап береді. Ол жауап қайтаруда. Ол адам баласы үшін не нәрсе пайда беретінін біледі. Пайдасы: «Иә Мужибу дағуати тәммәти» деп дұға етілсе, Жауап беруші Хақ тағаланың жауап беруі сөзсіз.