Mula sa Pototan, Iloilo. Siya ay isang gurong nagmula sa mayamang pamilya. Pinili niyang umanib sa himagsikan laban sa mga Espanyol.

Isinilang sa Kibawe, Bukidnon at lumaki sa Lungsod ng General Santos. Isa siyang sikat na atletang kilala sa buong mundo dahil sa pagwawagi niya ng maraming titulo sa iba't ibang dibisyon ng boksing. Kilala siya bilang "Pambansang Kamao" ng Pilipinas.

Mula sa Badoc, Ilocos Norte. Siya ay nakababatang kapatid ni Juan Luna. Namuno siya sa hukbong laban sa puwersang Amerikano kaya naging mahirap sa kanila ang pagsakop sa mga lalawigang nasa hilaga ng Maynila.

Mula sa Mactan, Cebu. Hindi siya pumayag na magpasakop sa mga Espanyol. Ipinakita niya ang kanyang tapang at matibay na paninindigan nang pamunuan niya ang labanan sa Mactan kung saan napatay si Ferdinand Magellan.

Taga Ilocos Sur. Kilala bilang "Joan of Arc" ng Ilocos. Kanyang pinamunuan ang pag-aalsang sinimulan ng napaslang na asawang si Diego Silang. Kinilala siya dahil sa kanyang katapangan.

Mula sa Mambulao, Camarines Norte. Siya ay bahagi ng Kilusang Propaganda. Sumulat din siya sa pahayagang La Solidaridad. Ang gamit niyang sagisag-panulat ay Jomapa at JMP. Isa siya sa malalapit na kaibigan ni Jose Rizal.

Mula sa Vigan, Ilocos Sur. Ginamit niya ang kanyang husay sa pagsulat upang gisingin ang isipan ng mga Pilipino. Sa panahong iyon ay lubos ang pang-aapi ng mga Espanyol.

Mula sa Malolos, Bulacan. Kilalá siya sa tawag na "Matanglawin." Maraming beses siyang matapang na nakipaglaban sa puwersa ng mga Espanyol at Amerikano para sa kalayaan ng bansa.

Mula sa Cavite. Siya ay pinarangalan bilang CNN Hero of the Year noong 2009. Dahil ito sa kanyang pagtuturo sa mga bata sa lansangan sa pamamagitan ng kanyang "Kariton Klasrum."

Mula sa siyudad ng Maynila. Siya ay nagwawagi ng dalawang gintong medalya sa Paris Olympics noong 2024 (Men's Floor Exercise at Men's Vault Final)skong Fu fighting

Mula sa lungsod ng Caloocan. Matanda na siya nang sumiklab ang himagsikan. Sa kabila nito, tumulong at nag-alaga pa rin siya sa mga sugatan at may sakit na Katipunero. Ipinagamit niya rin ang kanyang bahay para mapagtaugan at maging pahingahan ng mga Katipunero at ng iba pang nangangailangan.

Mula sa Marawi, Lanao del Sur. Siya ay kilala bilang si Datu Akadir, isang matapang na mandirigmang Mëranaw. Buong tapang niyang pinamunuan ang pagtatanggol sa Kota Marahui o Marawi laban sa 5,000 sundalong ipinadala ng mga Espanyol upang sila ay lusubin. Kilala ngayon ang Kota Marahui bilang Camp Amai Pakpak.

Mula sa Calamba, Laguna. Siya ay isa sa mga kinikilalang pambansang bayani ng Pilipinas. Ginamit niya ang kanyang panulat upang ipaglaban ang kalayaan ng Pilipinas mula sa Espanya. Siya ang sumulat ng dalawang kilalang aklat, ang Noli Me Tangere at ang El Filibusterismo.

Mula sa Cavite. Siya ay isang dating batang lansangan. Nagwagi siya ng 2012 International Children's Peace Prize mula sa Kids Rights Foundation sa edad na 13. Tumulong siya sa mahihirap na kabataan sa pamamagitan ng itinatag niyang foundation na "Championing Community Children."

Mula sa Sagay, Negros Occidental. Sampung taong gulang siya nang iligtas niya ang limang nakababatang kapatid sa nasusunog nilang bahay. Kahit nasusunog na ang kanyang buhok at likod, pinilit pa rin niyang ilabas ang mga kapatid.

Mula sa Kawit, Cavite. Ang heneral na nagpapahayag ng kalayaan ng ating bansa mula sa Espanya sa balkonahe ng kanyang tahanan. Siya ang kinikilalang unang pangulo ng Republika ng Pilipinas.

Mula sa Lanao Del Norte. Siya ay 13 taong gulang lamang nang iligtas niya. Dinapaan niya ang isang granada upang maligtas ang mga batang kalaro.

Isinilang sa Aringay, La Union at nanirahan sa Lalawigan ng Ilocos Sur. Namuno siya sa kilusang laban sa mga Espanyol. Subalit, pinatay siya ng mga taksil na kaibigan.

Mula sa San Miguel, Bulacan. Kilala siya bilang "Ina ng Biak-na-Bato" dahil sa ipinakita niyang tapang at pagmamahal sa bayan nang sumanib siya sa Katipunan at nakipaglaban sa mga Espanyol kasabay ng mga lalaking Katipunero. Tumulong din siya sa paggamot sa mga sugatang sundalo. Isa siya sa mga unang babaeng nagpakita ng lakas at nagtagngol sa kalayaan ng bansa.

Mula sa Vigan, Ilocos Sur. Ginamit niya ang kanyang husay sa pagsulat upang gisingin ang isipan ng mga Pilipino. Sa panahong iyon ay lubos ang pang-aapi ng mga Espanyol.

Taga Tondo, Maynila. Siya ang nagtatag at namuno sa Kataas-taasang, Kagalang-galangang Katipunan ng mga Anak ng Bayan o KKK. Ito ay isang lihim na samahang laban sa mga Espanyol.

Mula sa Badoc, Ilocos Norte. Kilala siya bilang isa sa mga dakilang Pilipinong alagad ng sining. Isa sa kanyang mga likha ang Spoliarium. Siya ay bahagi rin ng kilusang laban sa mga Espanyol.

Mula sa Cabiao, Nueva Ecija. Siya ay pinuno ng mga Katipunero sa Gitnang Luzon. Nakilala sa matapang na pakikipaglaban sa mga Espanyol sa mga lalawigan ng Bulacan, Tarlac, Pampanga, at Nueva Ecija.

Mula sa Bohol. Siya ang namuno sa pinakamahabang pag-aalsa laban sa mga Espanyol sa kasaysayan ng Pilipinas. Tumagal ito ng halos 85 na taon. Nagsimula ito nang tumanggi ang isang paring bigyan ng pagbabasbas ng simbahan ang kanyang yumaong kapatid bago ito ilibing.

Mula sa Maguindanao. Siya ay kilalá sa tawag na Sultan Kudarat. Siya ay mahusay, matalino, at matapang na sultan. Sa ilalim ng kanyang pamumuno, napagkaisa niya ang mga pinunò sa Mindanao kaya hindi naging matagumpay ang mga Espanyol na lubusang masakop ang kanilang teritoryo.

Mula sa Jaro, Iloilo. Siya ay isang mamamahayag, rebolusyonaryo, at propagandista. Siya ang naging unang patnugot ng La Solidaridad.

Taga lungsod ng Caloocan. Siya ang tinaguriang "Lakambini ng Katipunan." Naging bahagi siya ng himagsikan at kasamang nagsulong ng pag-aalsa. Siya ay ang asawa ni Andres Bonifacio.

Mula sa Tanauan, Batangas. Siya ay ang tinaguriang "Dakilang Lumpo" at "Utak ng Himagsikan." Napatunayan niyang hindi hadlang ang kapansanan sa pagsisilbi sa kapwa at sa bayan.

Mula sa Bocaue, Bulacan. Siya ay batang 12 taong gulang na nakapagliligtas ng mga nalunod sa lumubog na pagoda sa Pista ng Bocaue, Bulacan. Sa huli, ikinalunod niya ang pabalik-balik na pagsagip ng mga tao.

Mula sa Camarines Norte. Siya ang pinakabatang delegado sa 1935 Constitutional Convention sa edad na 24.

Mula sa Bagong Silangan, Quezon City. Isa siyang 18 taong gulang na manggagawa sa konstruksyon. Tinulungan niya ang nasa 30 kapitbahay upang makaligtas sa rumaragasang tubig-baha dulot ng Bagyong Ondoy, ang sakuna noong Setyembre 26, 2009. Sa huli, siya ay nalunod at namatay dahil sa labis na kapaguran sa pagsagip ng mga kapitbahay.

Isinilang siya sa Cairns, Queensland, Australia sa ama na isang Scottish at sa ina na mula sa Oas, Albay, Bicol. Siya ang nanalo bilang Miss Universe 2018. Kilala siya sa iba't iba niyang makabuluhang adbokasiya na may layuning makatulong sa ibang tao.

Mula sa Jordan, Guimaras. Siya ay apat na taong gulang lamang nang iligtas niya ang kanyang mga kapatid mula sa nasusunog nilang bahay.

Mula sa lungsod ng Zamboanga. Siya ay isang weightlifter na nagwagi ng kauna-unahang gintong medalya para sa Pilipinas sa ginanap na Tokyo Olympics noong 2021.

Mula sa lungsod ng Maynila. Sumanib siya sa Katipunan sa edad na 20. Naging malapit siya na tagapayo at kalihim ni Andres Bonifacio.

Mula sa Pikit, Cotabato. Siya ay batang naging saksi sa isang krimeng ginawa sa isang bata. Buong tapang siyang tumestigo sa kabila ng mga pananakot at banta sa kanyang buhay.

Mula sa Kupang, Bulacan. Siya ang nagtatag sa makabayang pahayagang Diariong Tagalog. Siya ay naging patnugot ng La Solidaridad. Ito ay isa sa mga pahayagan ng kilusang propaganda. Aktibo itong nagsulong ng kalayaan ng Pilipinas mula sa Espanya.