Фенобарбиталдағы фенилді радикалды ... түзілуі бойынша анықтайды.

... туындыларын мыс сульфаты ерітіндісімен түсті кешен түзілуі оларды бір-бірінен ажыратуға мүмкіндік береді.

...туындылары  натрий  гидроксидімен балқытқанда  сірке қышқылының  диалкилтуынды тұздарына, аммиак пен натрий карбонатына  ыдырайды.

Барбитураттардың дәрілік препараттарын хлорлы сутегі қышқылы ортасында пергидрольмен  қыздырып, аммоний хлоридін, кейіннен аммиак ерітіндісін қосқанда  ... сынамасы түзіледі

Барбитураттар мен олардың натрий тұздарының сандық анықтауын төменде келтірілген реакциялар бойынша ... әдісімен анықталады.

...ақ көбік тәрізді масса, ылғал тартқыш, ауада көміртек қышқылының қатысында ыдыраумен ерекшеленеді.

Сараптамаға фенантренизохинолин тобының дәрілік препараты келіп түсті. Жалпы алкалоидты түсті және тұнба беру реакциялары оң нәтиже берді; сірке ангидридімен әсер еткенде ақ тұнба түзілді.

Дәрілік препаратты идентификациялауда қосымша қандай реакциялар жүргізу қажет?

Сараптамаға фенантренизохинолин тобының дәрілік препараты келіп түсті. Жалпы алкалоидты түсті және тұнба беру реакциялары оң нәтиже берді; сірке ангидридімен әсер еткенде ақ тұнба түзілді; ары қарай калий (III) гексацианоферраты мен темір (III) хлоридін қосқанда, көк түс түзілді.

Сараптамаға қандай препарат түсті?

Сараптамаға белгісіз дәрілік субстанция келіп түсті. Идентификациялау пиролиз реакциясы нәтижесінде пиридиннің өзіндік иісі және аммиак бөлінетіндігін көрсетті. Сілтілі гидролиз нәтижесінде аммиак иісі және әлсіз формальдегид иісі шығады.

Дәрілік субстанцияны идентификациялау үшін қандай өзіндік реакция жүргізу қажет?

Сараптамаға белгісіз дәрілік субстанция келіп түсті. Сипаттамасы бойынша ақ кристалды ұнтақ, тиаминді витаминдердің әлсіз иісі бар, суда іс жүзінде ерімейді, спиртте ериді. Препарат тиаминді препараттарға тән реакцияны жүргізуде оң нәтиже берді, тек тиохром сынағы теріс нәтиже берді.

Сараптамаға қандай дәрілік препарат түсті?

Сараптамаға сары-сұр түсті, жануардың кептірілген ұлпасына тән әлсіз иісі бар ұнтақ түріндегі дәрілік субстанция келіп түсті. Суда, спиртте ерімейді. Спектральды талдау құрамында –ОН- тобы, қабысқан қос байланыс –СН=СН-, -NH₂- тобы бар екендігін көрсетті.

Қандай препаратқа қосымша идентификациялау әдісін жүргізу қажет?

Токоферол ацетатының фармакологиялық әсері химиялық құрылысындағы қандай фрагментке байланысты?

Талдауға өндірістік бөлімнен жасыл-сары түсті майда кристалды дәрілік субстанция түсті. Субстанция суда, хлорсутек қышқылында іс жүзінде ерімейді, спиртте аз, натрий гидроксиді ерітіндісінде ериді. Спектральды талдау 259 және 362,5 нм толқын ұзындығында екі жұтылу максимумы бар екендігін көрсетті. Натрий гидроксиді ерітіндісінде ерітілген препарат Толленс және Фелинг реактивтерімен оң реакция берді.

Қандай препаратқа қосымша идентификациялау әдістерін ұсынуға болады?

Өндірістік цехтан талдауға фенантренизохинолин туындыларына жататын дәр ілік субстанция келіп түсті. Фенолды гидроксил тобына теріс реакция берді. Препарат аммоний молибдаты және магнезиальды қоспамен сары тұнба берді.

Қандай препаратқа қосымша идентификациялау реакцияларын жүргізуді ұсынасыз?

Атропин сульфатының сандық мөлшерін нормативті құжат бойынша төменде келтірілген химиялық реакция көмегімен сусыз ортада бейтараптау әдісімен анықтайды:

... - химиялық табиғаты бойынша органикалық заттар тобының жиынтығы, олардың гетеротрофты организм үшін абсолюттік қажеттілігі бойынша тағамның құрамдық бөлігі болып табылады.

... - ішкі секреция бездерінің арнайы жасушаларынан өндірілетін, табиғаты органикалық биологиялық белсенді заттар.

Сынақ зертханасына сараптамаға капсула түріндегі дәрілік препарат түсті. Капсула ішіндегісі мөлдір майлы, сары түсті тұтқыр сұйықтық. Спектралдық талдау УК аймақта 265 нм толқын ұзындығында жұтылу максимумын көрсетті, ИҚ-спектрлері 3500-3400 (ОН-топ), 2950-2850 (-СН2-алкандар), 1660-1500 (=СН-алкендер) аймақтарында деформациялық тербелістермен сипатталады. Препараттың өлшендісіне сүрме (ІІІ) хлоридінің ерітіндісін қосқанда қызғылт-сары түсті бояу пайда болды.

Фармацевт-аналитик қандай дәрілік препаратқа өзі екендігін анықтауға қосымша сынау жүргізуі тиіс?

Рибофлавин субстанциясының тазалығына талдау жасауда препараттың спиртті ерітіндісінің рН 8,0-8,5 аралығында екендігі анықталды. Препарат сары түсті мөлдір сұйықтық, УК-жарықта жасыл флуоресценция беруі нормативті құжат талабына сәйкес екендігін көрсетті.

Препарат тұрақтылығы сақталды ма? Егер сақталмаса, онда аталған жағдайда қандай жанама өзгерістер болуы мүмкін?

Химия-фармацевтикалық өнеркәсіп эфедрин таблеткалары өндірісі үшін субстанция сатып алды. Фармацевт-аналитик субстанцияның сапасына талдау жүргізу барысында идентификациялауды калий (III) гексацианоферраты ерітіндісімен қыздыру арқылы жүргізді. Нәтижесінде түзілген өнімді ащы бадамның иісі бойынша анықтады.

Эфедриннің ыдырауы кезінде қандай өнім түзілді?

Химия-фармацевтикалық өнеркәсіп шаншуға арналған ерітінділер өндірісі үшін токоферол ацетаты субстанциясын сатып алды. Фармацевт-аналитик субстанцияны идентификациялауда сілтілі гидролиз жүргізіп, түзілген өнімге концентрлі күкірт қышқылын қосып, алынған қоспаны ішінде этил спирті бар колбаға құяды. Нәтижесінде этилацетаттың өзіне тән иісі шығады.

Фармацевт-аналитик дәрілік препарат идентификациясын қандай функциональды тобы бойынша жүргізді?

Нормативті құжат талабына сәйкес эпинефрин (адреналин) субстан-циясының сандық мөлшері сусыз ортада жүргізіледі. Препаратты мұзды сірке қышқылында ерітіп, эквивалент нүктесіне дейін титрлейді, индикатор кристалды күлгін.

Эпинефриннің қышқыл-негіздік қасиетін ескере отырып, фармацевт-аналитик қандай титрант қолдануы қажет?

Нормативті құжат талабына сәйкес морфин гидрохлориді субстанция-сының сандық мөлшерін қышқыл-негіздік титрлеу әдісімен жүргізеді. Препаратты сусыз сірке қышқылында ерітіп, сынап  (II) ацетатын қосып, хлорлы қышқылмен эквивалент нүктесіне дейін титрлейді. Индикатор - кристалды күлгін.

Фармацевт-аналитик сынап  (II) ацетатын қандай мақсатта қолданды?

Сараптамаға шаншуға арналған 1% никотин қышқылы ерітіндісі түсті, оның құрамында стабилизатор ретінде натрий гидрокарбонаты бар.

Осы дәрілік түрдегі никотин қышқылының сандық мөлшерін қандай әдіспен анықтау тиімді?

Сынақ лабораториясына сараптамаға шаншуға арналған 1% никотин қышқылы ерітіндісі түсті. Препараттың сандық мөлшерін стандарттық үлгінің жоқ болуына байланысты  спектрофотометриялық әдіспен анықтауға мүмкіндік болмады. Сондықтан титриметриялық әдіс қолданылуы тиіс. Қандай титриметриялық әдісті қолдану тиімді?

Никотин қышқылы субстанциясына сапасына талдау барысында фармацевт-аналитик жеке мақалаға сай ерітінді дайындады. 2 мл дайындалған ерітіндіге 2 мл хлорбромид ерітіндісін, 3 мл 25г/л анилин ерітіндісін қосып, сары түске жеткенше қыздырды. Фармацевт-аналитик никотин қышқылы субстанциясының қандай сапалық көрсеткішін анықтады?

Сараптамаға пиримидинтиазол туындысының қос тұз түріндегі дәрілік препараты түсті.Сипаттамасы бойынша ақ кристалды ұнтақ, өзіне тән ашытқының иісіне ұқсас иісі бар. Суда жеңіл ериді, эфир мен хлороформда іс жүзінде ерімейді. Сілтілі ортада оңай тотығады. Жалпыалкалоидтық реакциялар, хлор ионына тән реакция және тиохром сынағына тән оң реакция береді.  Қандай дәрілік препаратқа өзі екендігін анықтайтын қосымша сынықтар жүргізу қажет?

Сараптамаға пурин тобындағы дәрілік препарат түсті. Сипаттамасы бойынша ақ түсті ине тәрізді кристалдар. Суық суда орташа және аз ериді (1:60), ал ыстық суда жеңіл ериді. Күміс тұзының түзілуі, кешенді тұздың түзілуі және мурексид сынағы бойынша оң реакция береді.

Қандай дәрілік препаратқа өзі екендігін анықтайтын қосымша сынықтар жүргізу қажет?

Сараптамаға аминогликозид тобындағы дәрілік препарат түсті. Молекуласындағы гуанидин тобына тән Сакагучи реакциясы мен мальтольды реакциясы бойынша оң нәтиже берді.

Дәрілік затты идентификациялау үшін қосымша қандай реакция жүргізуге болады?

Фармацевт-аналитик 3% тетрациклин жақпа майына сапалық талдау кезінде зерттелетін препараттың 10 тубасын алып, сыртын фильтр қағазымен жақсылап сүртті. Тубаларды горизонтальды түрде фильтр қағазының үстіне жатқызып термостатта  (60±3)°С  8с ұстады.

Фармацевт-аналитик жағар майдың қандай сапалық көрсеткішін анықтады?

Сынақ зертханасына сапалық бақылау үшін 3% тетрациклин жақпа майы түсті. Сыртқы көрінісін анықтау барысында кейбір тубаларда майлы дақтардың іздері бар екені байқалды. Фармацевт-аналитик мұндай жағдайда қандай сынақ жүргізу керек?

Сараптамаға белгісіз препарат түсті, спектральды талдауы бойынша УК- аймақта 2 максимумы бар, 278 нм толқын ұзындығында  5,6-бензимидазолға сәйкес және 361 нм толқын ұзындығында 6 қабысқан қос байланысымен коррин жүйесіне сәйкес және 548 нм толқын ұзындығында бейорганикалық элементке сай спектрдің көріну аймағында 1 максимумы бар.

Қандай дәрілік препаратқа өзі екендігін дәлелдеу үшін қосымша сынау жүргізу қажет?

Никотин қышқылы субстанциясына сапалық бақылау жүргізу үшін фармацевт-аналитик ҚР МФ талабына сай препарат ерітіндісін дайындады. 15 мл зерттелетін ерітіндіге 1 мл сұйытылған азот қышқылын қосады және қоспаны 1 мл күміс нитраты ерітіндісі  бар сынауыққа  бірден тұтасымен құяды.  Осы жағдайларда 10 мл хлоридтің стандартты ерітіндісін (5 млн-1 Cl-1) және 5мл су Р пайдаланып,салыстыру ерітіндісін қатар дайындайды. 5 минуттан кейін сынауықтарды көлденеңінен қара фонда қарайды.

Фармацевт-аналитик никотин қышқылы субстанциясының қандай сапалық көрсеткішін анықтады?

Сынақ лабораториясына тропан туындысының дәрілік препараты түсті. Препаратты идентификациялау үшін келесі әдістеме бойынша реакция жүргізілді: препарат сынамасын фарфор табақшасында концентрлі азот қышқылымен өңдеп, су моншасында құрғағанша буландырды. Қалған қалдыққа бірнеше тамшы калий гидроксидінің спирттік ерітіндісін және ацетон тамызғанда күлгін түске боялды.

Химик-аналитик қандай идентификациялау реакциясын жүргізді?

Сынақ зертханасына сараптамаға белгісіз препарат түсті. УК- және ИҚ-спектрлері, жалпыалкалоидты реакциялар нәтижелері бойынша дәрілік препарат жергілікті жансыздандырғыш туындыларына жататыны белгілі болды. Сонымен қатар азоқосылыс түзу реакциясын бермейді, ал калий перманганатымен күлгін түсті тұнба пайда болды.

Сараптамаға қандай дәрілік препарат түсті?

Ұйым өндіруші стандарт жобасында шаншуға арналған цефтриаксон натрий ұнтағына келесі сапалық көрсеткіштер енгізілген: мөлдірлік, тектес қоспалар, еру уақыты,кептіргенде масса жоғалтуы, құрам біркелкілігі.

Ұйым өндіруші стандарт жобасына осы препарат үшін қосымша  қандай көрсеткішті енгізу қажет?

Витаминдік препараттар өндіретін фармацевтикалық өндіріске қоңыр шыныдығы дәнекерленген ампуладағы ретинол пальмитаты субстанциясы түсті. Сыртқы көрінісі бойынша тиісті аморфты масса болудың орнына ашық-сары түсті, әлсіз иісі бар мөлдір майлы сұйықтық.

Препараттың сыртқы көрінісінің өзгеруіне не себеп болды?

Сынақ зертханасына сараптамаға моноциклды терпендер туындысының  белгісіз дәрілік препараты түсті. Сыртқы көрінісі бойынша ментолдың және валерьян қышқылының иісі бар мөлдір майлы түссіз сұйықтық Препарат оптикалық активті, спирттік  гидроксилге оң реакция береді.

Препараттың өзі екендігін анықтау үшін өзіне тән қандай реакция жүргізуге болады?

Сараптамаға түссіз, мөлдір, камфораның иісі мен дәмі бар бициклды терпендер тобының дәрілік препарат түсті. Препарат оптикалық белсенді, УК-спектрі препарат құрылымында  >С=О, -NH₂  топтары және қабысқан –СH=CH- байланысының бар екендігін көрсетті. Препарат ароматты альдегидтермен боялған өнім берді. Аталған препараттың өзі екендігін анықтау үшін қандай өзіндік реакция жүргізіледі?

Фармацевтикалық өндіріс қоймасынан терпеноидтар тобына жататын әлсіз иісі бар ашық-сары кристалды дәрілік субстанция алынды. Субстанция суда іс жүзінде ерімейді, органикалық еріткіштерде ериді. УК-спектріндегі төрт жұтылу максимумы қабысқан қос байланыстың электронды тербелісіне, оттектің карбонилді атомына, күрделі эфир тобына байланысты. Аталған препараттың өзі екендігін анықтау үшін қосымша қандай өзіндік реакция жүргізіледі?

Дәрілік зат өндіруші зауыттан бір дозалық контейнерде парентеральды қолданылатын 500 мг цефозолинннің уақытша аналитикалық нормативті құжат жобасы сараптамаға түсті, онда көрсетілген сапалық көрсеткіштер: сипаттамасы, идентификациясы, еру уақыты, кептіргендегі масса шығыны, стерильдігі, сандық анықтау. Нормативті құжатқа қандай сапалық көрсеткіш міндетті түрде еңгізілуі тиіс?

Ұйым-өндіруші стандарт жобасында рутин таблеткасына келесі сапалық көрсеткіштер енгізілген: орташа массасы және масса біркелкілігі, үгілуі, жаншуға тұрақтылығы, ыдырағыштығы, еруі, тальк және аэросил, су, тектес қоспалар.

Аталған препаратқа жасалған ұйым стандарт жобасына қандай сапалық көрсеткіш қосымша енгізілуі қажет?

Хинин гидрохлориді дәрілік препаратын стерилдеу кезінде улылығы жоғары хинотоксин түзілгенде қандай процесс жүреді?

Сараптамаға фенантренизохинолин тобының дәрілік препараты келіп түсті. Жалпы алкалоидты түсті және тұнба беру реакциялары оң нәтиже берді; сірке ангидридімен әсер еткенде ақ тұнба түзілді.

Дәрілік препаратты идентификациялауда қосымша қандай реакциялар жүргізу қажет?

Сынақ зертханасына сараптамаға сипаттамасы бойынша ақ түсті кристалды ұнтақ түсті. Хлороформда ериді, суда аздап ериді, спиртте аз ериді, сірке қышқылында ерімейді. Жалпы алкалоидты реактивтермен оң реакция береді. Препараттың ерітіндісіне натрий ацетаты ерітіндісін құйғанда ақ тұнба түзіледі. Химик-аналитик қандай дәрілік затқа қосымша өзі екендігін анықтайтын реакциялар жүргізуі?

Сынақ зертханасында шаншуға арналған папаверин гидрохлоридінің сандық мөлшері спектрофотометриялық әдіспен анықталды. Дайындалған 0,001% ерітіндінің оптикалық тығыздығы  0.267; НҚ бойынша 310 нм толқын ұзындығында меншікті жұтылу көрсеткіші  230 құрады.

Химик-аналитик папавериннің сандық мөлшерін қандай формуламен анықтайды?

Кокаин гидрохлоридінің өзі екендігін анықтау үшін қышқылды ортада калий перманганатымен реакциясы ұсынылады, нәтижесінде күлгін түсті кристалдар пайда болады:

Берілген реакция қандай процестің негізінде жатыр?

Пиридоксин гидрохлориді бейтарап ортада екі жұтылу максимумын береді: max₁=253 нм,max₂=324нм. Сілтілі ортада (рН>7,0) жұтылу максимумдарының жылжуы байқалады: max₁=245 нм және max₂=340нм.

Сілтілі ортада жұтылу максимумдарының осындай жылжулары ненің салдарынан болады?

Пиридоксин гидрохлориді бейтарап ортада екі жұтылу максимумын береді: max₁=253 нм, max₂=324 нм. Қышқылды ортада (рН<7,0)  жұтылу максимумдардың екеуі де жылжиды: max₁=232нм және max₂=290 нм.

Қышқылды ортада жұтылу максимумдарының жылжуы ненің салдарынан болды?

Цианокобалиминнің инъекция үшін 0,05% ерітіндісінің сапасын бақылауды жүргізу үшін ФМ әдістемесіне сәйкес фармацевт-аналитик  толқын ұзындығы  278 нм, 361 нм, 548 нм болатын препарат ерітінділерінің оптикалық тығыздығын өлшеді. Содан соң ФМ келтірілген интервалдарға сәйкес келетін отпикалық тығыздықтың қатынасын анықтады:

Фармацевт-аналитик цианокобаламин ерітіндісінің қандай сапалық көрсеткішін анықтады?

Фармацевт-аналитик тропан тобының дәрілік препаратындағы судың қоспасын анықтау үшін құрамында күкірт (IV) оксиді, йод және метанолдағы пиримидині бар реактив дайындады.

Фармацевт-аналитик дәрілік препараттағы судың қоспасын қандай әдіспен анықтады?

Тимол субстанциясының сапасын бақылауды жүргізу үшін фармацевт-аналитик зерттелетін сынамадағы талданатын үлгіні және салыстыру ерітіндісін газсұйықтық хроматография әдісімен идентификациялады.

Қандай көрсеткіштер бойынша фармацевт-аналитик газхроматография әдісімен тимол субстанциясын идентификациялауды жүргізді?

 Сынақ зертханасына сараптамаға левомицетин таблеткасы келіп түсті. ҚР МФ талаптарына сәйкес тальк және аэросил құрамын анықтау үшін  фармацевт-аналитик 1г ұнтақталған таблетканы жылы сумен өңдеп, сұйықтықты күлсіз сүзгіш арқылы сүзді. Сүзгідегі қалдықты жылы сумен жуды. Қалдығы бар сүзгішті кептіріп жақты, күйдіріп және 0,1 мг дейінгі дәлдікпен өлшеді.

Таблеткадағы аэросил және тальк құрамын анықтау үшін фармацевт-аналитик қандай әдісті қолданды?

Сынақ зертханасына сараптамаға 0,9%  натрий хлоридімен изотоникаланған 0,2% хлорамфеникол ерітіндісі келіп тусті. Идентификациялау жүргізгенде фармацевт-аналитик препаратқа натрий гидроксидінің ерітіндісін қосқанда қызғылт-сарғыш түске алмасатын сары түс пайда болды.

Фармацевт-аналитик реакцияны қандай функционалдық топтарға жүргізді?

Фармацевт-аналитик нормативтік құжат талаптарына сәйкес рацематикалық камфораға сапалық талдау жүргізгенде препаратты кетоксим түзілу реакциясы бойынша, ары қарай оның балқу температурасын анықтау бойынша идентификациялады.

Осы реакцияны жүргізу үшін фармацевт-аналитик қандай реактив қолданды?

Линименттің өндірісі үшін фармацевтикалық мекемеге 1-п-нитрофенил-2-дихлорацетиламино-пропандиол-1,3-тің D(–)- және L(+)-трео-изомерлерінің рацематикалық қоспасы бар субстанция келіп түсті.

Мекемеге қандай препарат келіп түсті?

Сынақ зертханасына сараптамаға қалқанша без гормонының (левотироксин, лиотирониннің натрий тұзы және тиреоидин) таблеткасы келіп түсті. ҚР МФ талаптарына сәйкес препарат құрылымындағы ковалентті байланысқан йодты анықтау үшін фармацевт-аналитик мыс сымды қыздырғышқа препарат түйіршіктерін орналастырды, сонда түссіз жалын жасыл түске боялды.

Бұл идентификациялаудың негізінде қандай реакция жатыр?

Сынақ зертханасына сараптамаға хинин сульфаты субстанциясы келіп түсті. Хинин сульфатын зерттеу кезінде кювета қалыңдығы 20 см-де 0,1моль/л хлорсутек қышқылы ерітіндісіндегі 3%-дық ерітіндісінің айналу бұрышы  13,74° құрады, кептіргенде масса шығыны 4,5%.

Фармацевт-аналитик құрғақ заттарға қайта есептегенде хинин сульфатының айналу бұрышын қандай формуламен есептеді?

Сынақ зертханасына сараптамаға никотинамид субстанциясы келіп түсті. Субстанциядағы никотинамидтің сандық мөлшерін сусыз бейтараптау әдісімен анықтағанда масса мөлшері 0,1495 г затты титрлеуге 0,1 моль/л хлор қышқылының 12,45 мл көлемі, бақылау тәжірибесінде сол титранттың 0,2 мл көлемі шығындалды.

Фармацевт-аналитик субстанциядағы никотинамидтің сандық мөлшерін қандай формула бойынша анықтады?

Птеридин туындысы - фоль қышқылы қышқылдық қасиеті басым амфолит болып табылатыны белгілі. Препараттың сандық мөлшерін кері алкалиметрия әдісімен анықтайды. Алынған ерітіндіні 0,1М хлор қышқылы ерітіндісімен титрлейді. Индикатор - фенолфталеин және метилен көгі қоспасы болып табылады.

Осы әдістеме бойынша сандық мөлшерін анықтау препараттың қандай қасиетіне негізделген?

Сынақ зертханасына птеридин тобының таблеткалары сараптамаға түсті. Қышқыл ортада тотығу гидролизін жүргізгенде келесі өнімдерді түзді:

Фармацевт-аналитик қандай дәрілік препаратқа қосымша идентификация реакцияларын жүргізуі тиіс?

Сараптамаға белгісіз дәрілік препарат келіп түсті. Сипаттамасы бойынша ақ кристалды ұнтақ, өзіне тән ашытқының иісіне ұқсас иісі бар. Суда жеңіл ериді, этанолдап аз ериді және эфир мен хлороформда іс жүзінде ерімейді. Кұміс тұздарың тұзу реакция, комплексті тұздардың тұзу реакциялары және тиохром сынағына тән оң реакция береді.

Қандай дәрілік препаратқа өзі екендігін анықтайтын қосымша сынықтар жүргізу қажет?

Супрастин құрылымындағы пиридин сақинасын иденти-фикациялау үшін фармацевт-аналитик глутакон альдегиді түзілу реакциясын жүргізді.

Фармацевт-аналитик бұл реакцияда қандай анықтаушы реактив қолданды?

Супрастинді идентификациялау үшін фармацевт-аналитик сірке ангидриді қатысында лимон қышқылымен биполярлы ион түзілу реакциясын жүргізді.

Фармацевт-аналитик бұл реакция арқылы супрастинде қандай құрылымдық фрагментін анықтады?

Промедолдың жоғары белсенді анальгетигін құрудың алғышарты морфиннің құрылымындағы фенантренизохинолиннің химиялық құрылысын зерттеу болып табылады.

Морфиннің қандай фрагменті промедолды құрудың негізі болды?