Week-7-ADM-Version 2-Filipino-SHS-TVL

Filipino sa Piling

Larang

Te knikal Bokasy u nal

Unang Markahan Ika pitong Linggo Sulating Teknikal

Bokasyunal: Hakbang sa Pagsasagawa ng Manwal at Liham Pangnegosyo

Alamin

Naiisa-isa ang mga hakbang sa pagsasagawa ng mga binasang halimbawang sulating teknikal-bokasyunal (CS-FFV11/12PB-0g-i-106)

Layunin

• Natutukoy ang mga tiyak na hakbangin sa pagsasagawa ng manwal at liham pangnegosyo

• Nakapagsasaliksik upang makilala ang layon ng pagsulat ng isang manwal

• Nakapagbibigay ng sariling halimbawa ng mga bahagi ng liham pangnegosyo

• Nakasusulat ng sariling manwal o liham pangnegosyo batay sa tinalakay na hakbang

Subukin

Basahin at unawain ang tanong sa bawat aytem. Isulat sa patlang ang letra ng tamang sagot.

Multiple Choice

Ano ang wastong bantas na ginagamit sa pagsulat ng pamitagang pangwakas?

• kuwit

• tuldok

• tutuldok

• tuldok-kuwit

Multiple Choice

Ano ang bantas na ginagamit sa bating pambungad ng liham pangnegosyo?

• kuwit

• tuldok

• tutuldok

• tuldok-kuwit

Multiple Choice

Ano ang higit na makatutulong sa pag-unawa ng manwal?

• ilustrasyon

• karikatura

• disenyo

• emoji

Multiple Choice

Aling bahagi ng liham pangnegosyo ang naglalaman ng adres ng tagatanggap nito?

• Pamuhatan

• Patunguhan

• Bating Pambungad

• Pamitagang Pangwakas

Multiple Choice

Ilang espasyo ang inilalaan sa pagitan ng bawat talatang liham pangnegosyo?

• isa

• apat

• tatlo

• dalawa

Multiple Choice

Anong uri ng papel ang ginagamit ng isang kumpanya sa pagsulat ng liham na hindi nangangailangan ng pamuhatan?

• oslo paper

• stationery

• crepe paper

• Memo

Multiple Choice

Saan nakabatay ang impormasyong mababasa sa isang manwal?

• Mga eksperto

• Mga manunulat

• Kumpanya ng produkto

• Mga nakalimbag at elektronikong aklat

Multiple Choice

Anong uri ng manwal ang madalas na makikitang kalakip ng mga binibiling cellphone?

• Manwal na Operasyonal

• Manwal ng Gumagamit

• Teknikal na Manwal

• Manwal ng Pagbuo

Multiple Choice

Alin sa mga sumusunod ang wastong pamitagang pangwakas?

• Lubos Na Gumagalang,

• B. Lubos na Gumagalang,

• Lubos na gumagalang,

• Lubos na gumagalang.

Multiple Choice

Ano ang mainam na katangian ng disenyo ng isang manwal?

• Magagamit na gabay sa ibang produkto.

• Madaling basahin at madaling sundan ang larawan.

• May mga ilustrasyong makadaragdag ng kulay sa buong manwal.

• Naglalaman ng mga paksa, gawain, pamamaraan, at iba pang impormasyon.

Multiple Choice

Kailan maaaring irekomenda ang pagbabago sa manwal?

• Nabasa na ng editor

• Nabasa na ng editor

• May mali o nakalilitong panuto

• May gumamit na nito ngunit hindi naunawaan

Multiple Choice

Ano ang wastong pagkakasunod-sunod ng bahagi ng liham pangnegosyo?

I.Katawan II. Lagda III. Pamuhatan IV. Bating Pambungad

V. Patunguhan VI. Pamitagang Pangwakas

• III-V-I-IV-II-VI

• III-V-IV-I-VI-II

• IV-III-V-I-VI-II

• IV-III-I-VI-V-II

Multiple Choice

Alin sa mga sumusunod ang naglalarawan sa layunin ng isang manwal?

• Pamagat ng manwal

• Pambungad na bahagi nito

• Nilalaman ng mismong manwal

• Gumagamit ng sino, ano, kailan, saan, bakit at paano

Multiple Choice

Matapos isulat ang isang manwal, ano ang nararapat na kasunod na hakbang ang dapat gawin ng manunulat?

• Ihanda ang publikasyon nito.

• Gumawa ng ikalawang iskrip o balangkas.

• Baguhin ang mga mali at nakalilitong detalye.

• Ipabasa ito sa taong maaaring gumamit o kaya sa editor.

Multiple Choice

Alin sa mga sumusunod ang hindi dapat isaalang-alang kapag gumagawa ng liham pangnegosyo?

• Maging magalang.

• Sa gitnang bahagi ng katawan nararapat isalaysay ang layunin ng liham.

• Iwasan ang paggamit ng walang kaugnayan at di mahahalagang pananalita.

• Ugaliin ang paggamit ng panghalip sa unang panauhan lalo na sa unang pangungusap o talata.

Aralin 7

Hakbang sa Pagsasagawa ng Manwal at Liham Pangnegosyo

Ang pag-aaral ng manwal at liham pangnegosyo ay malaking kapakinabangan sa iyong karanasan maging sa labas ng akademya. Bigyang pansin ang mga devices at appliances sa inyong tahanan. Hindi ba’t nagagamit mo ito sa pamamagitan ng pagsunod sa manwal na kalakip nito nang bilhin mo ang produkto. Idagdag mo pa ang manwal na ginagamit sa empleyo upang mapagaan ang trabaho bilang sanggunian ng manggagawa. Sa pamamagitan ng manwal, natuturuan ang tao kung paano gagamitin o gagawin ang isang bagay. Samantala, ang liham pangnegosyo naman ay esensyal na sulating nararapat mong matutuhan. Ito ay sulating teknikal na magiging kaagapay mo sa pakikipag-ugnayan sa pormal na midyum ng komunikasyon. Sa makabagong lagay ng teknolohiya, mahalagang maalam ka sa pagbuo ng mga sulating teknikal na bahagi ng industriya. Subalit, ano ang katiyakang mapakikinabangan mo ito bilang ordinaryong mag-aaral? Ano ang posibleng bentahe ng kasanayang iyong matututuhan sa araling ito? Tuklasin ang sagot sa katanungang ito sa susunod na talakayan.

Balikan

Tukuyin kung flyers o leaflets ang inilalarawan sa bawat pangungusap. Isulat sa patlang ang letrang F kung flyers, at L naman kung ito ay leaflets.

Tuklasin

Suriing mabuti ang mga larawan sa ibaba. Tukuyin ang salitang mahihinuha sa apat na larawan sa bawat bilang. Bumuo ng isang pangungusap gamit ang mga salitang matutuklasan. (Ang mga larawan ay kinuha sa canva)

Fill in the Blanks

Fill in the Blanks

Fill in the Blanks

Fill in the Blanks

Open Ended

Isulat ang iyong pangungusap.

Suriin

Pagsulat ng Manwal
Ang manwal ay isang libro ng impormasyon o mga tuntunin na nagsisilbing pasulat na gabay o reperensiyang materyal na ginagamit sa pagsasanay, pag-oorganisa ng gawain sa trabaho, pagbuo ng mekanismo, pagpapatakbo ng mga kagamitan, pagseserbisyo ng mga produkto o pagkukumpuni ng mga produkto.

Sa pagsulat ng isang manwal, maaaring sundin ang mga sumusunod na hakbang:

Una, tukuyin ang layon ng manwal sa pamamagitan ng paggamit ng sino, ano, kailan, saan, bakit at paano.

• Sino ang gagamit ng produkto?

• Ano ang produkto?

• Kailan gagamitin ang produkto?

• Saan gagamitin ang produkto?

• Bakit mahalaga ang produkto?

• Paano gamitin ang produkto?mga produkto.

Ikalawa, magsaliksik at mangolekta ng impormasyon mula sa eksperto.

Ikatlo, uriin at ayusin ang mga datos at impormasyon.

Ikaapat, magpasya sa naaangkop na disenyo para sa manwal.

Ikalima, gumawa ng balangkas.

Ikaanim, isulat ang manwal.

Ikapito, ipabasa sa mga taong maaaring gumamit o kaya sa editor.

Ikawalo, ilathala ang manwal.

Ikasiyam, baguhin ang manwal kung may mali o nakalilitong panuto.

Narito ang mga paalala sa pagbuo ng disenyo ng epektibong manwal:

a. Simple at madaling unawain ang panuto.

b. May kahali-halina at angkop na disenyo.

c. May mga ilustrasyong makatutulong sa pag-unawa ng manwal.

d. Magagamit na sanggunian sa hinaharap.

e. Naglalaman ng tungkol sa mga paksa, gawain, pamamaraan, at iba pang impormasyong nakaayos sa lohikal na pagkakasunod-sunod.

Tingnan sa ibaba ang bahagi ng isang halimbawang manwal ng device.

Pagsulat ng Liham Pangnegosyo

Ang liham pangnegosyo ay pormal na sulatin na inihahanda na karaniwang mayroong pormat margin na isang pulgada (inch) sa bawat gilid ng papel. Ito ay isinusulat sa “8 1/2x11” na bondpaper.

1. Tukuyin ang pamuhatan ng liham.

Ang Pamuhatan ay isinusulat sa dalawa hanggang tatlong linya lamang at naglalaman ng adres ng nagpadala o sumulat ng liham. Sa huling linya ng bahaging ito inilalagay ang petsa, para sa kontak ng telepono, numero ng fax, adres ng e-mail, o iba pang kahalintulad na impormasyon

Halimbawa:

123 Pag-asa St., Goodwoods Village

Burabod, Sorsogon City

June 19, 2020



Hindi na kailangang ilagay ang pamuhatan kung ang ginagamit na papel ay ang tinatawag na stationery na may nakasulat ng pamuhatan at/o pangalan ng kumpanya. Ngunit kailangang lagyan pa rin ng petsa ang liham pangnegosyo.

2. Alamin ang patunguhan ng liham.

Kompletuhin ang adres ng pinadadalhan ng liham. Lagi itong nasa kaliwang bahagi. Maglaan ng dalawang linyang espasyo sa pagitan ng pamuhatan at patunguhan. Maglagay rin ng isang dalawang espasyo bago ang pagbati.

Halimbawa:

Bb. Lourdes A. Garcia

Sales Representative

ABC Publishing Inc.

456 Sunflower Subdivision

Sta. Cruz, Manila.

3. Maglagay ng pormal na bating pambungad sa isang liham pangnegosyo.

Madalas itong nagsisimula sa “Mahal na” at sinusundan naman ng apelyido. Maaari ring simpleng titulo gaya ng G. (Ginoong), Gng. (Ginang), Bb. (Binibini), o ang mismong titulo o propesyon o katungkulang hawak ng taong padadalhan, halimbawa, Atty. (Attorney) o Engr. (para sa Engineer). Ang bating pambungad ay nagtatapos sa tutuldok (:), hindi kuwit (,).

4. Isulat sa anyong teksto ang katawan ng liham.

Ito ay maaaring may indensiyon sa unang linya depende sa estilo ng liham. Ano man ang pormat, maglaan ng isang linyang espasyo sa pagitan ng bawat talata.

Mga dapat tandaan sa pagsulat ng katawan ng liham pangnegosyo:

• Sa unang talata ng katawan ng liham, huwag maging maligoy sa paglalahad ng mensahe.

• Maging magalang.

• Iwasang gumamit ng mga nananakot na pahayag.

• Iwasang maglahad ng mga negatibong mungkahi.

• Iwasan ang paggamit ng walang kaugnayan at hindi mahalagang pananalita.

Mga dapat tandaan sa pagsulat ng katawan ng liham pangnegosyo:

• Sa pagsulat ng katawan, iwasan ang paggamit ng panghalip sa unang panauhan lalo na sa unang pangungusap o talata ng liham.

• Sa gitnang bahagi ng katawan nararapat isalaysay ang mga pangyayari at patunayan ito.

• Sa huling pangungusap ng liham sinasabi ang aksiyong dapat gawin sa mapitagang pamamaraan.

5. Maglagay ng pamitagang pangwakas. Ang maikling pagbati na nagpapahayag ng paggalang at pamamaalam ay nagtatapos sa kuwit (,).

6. Huwag kalimutang ilakip ang lagda. Maglaan ng dalawang linyang espasyo bago ilagay ang pangalan ng taong lalagda. Tingnan ang padron sa susunod na pahina.

Pigura 1. Halimbawa ng Liham Pangnegosyo sa Anyong Semi-Block

Pigura 2. Halimbawa ng Liham Pangnegosyo sa Anyong May Indensyon

Pagyamanin

Gawain 1 Pagsasaliksik ng Manwal

Maghanap ng manwal sa inyong tahanan, maaaring manwal ng iyong cellphone, o appliances. Magsisilbi itong lunsaran sa gawaing ito. Kung walang makukuhang manwal, maaaring sumangguni sa mga halimbawang nasa link. https://support.google.com/pixelphone/answer/7486047?hl=fil https://www.energizeyourdevice.com/fileadmin/user_upload/24-H550S_UM__TAGALOG_.pdf

Sagutin ang mga tanong at ipaliwanag ang iyong sagot.

Open Ended

Uri ng Manwal: ___________________

1.Sino ang gagamit ng produkto?_______

Open Ended

Ano ang produkto?

Open Ended

Kailan gagamitin ang produkto?

Open Ended

Saan gagamitin ang produkto?

Open Ended

Paano gamitin ang produkto?

Gawain 2 Pagbibigay ng halimbawa

Magbigay ng halimbawa ng mga bahagi ng liham sa espasyong inilaan sa ibaba. Maging tiyak sa mga bantas na gagamitin sa halimbawa. Maaaring balikan ang mga naunang pigura na iyong nabasa.

Open Ended

1. Pamuhatan

_______________________

_______________________

_______________________

Open Ended

2. Patunguhan

______________________

______________________

______________________

Open Ended

3. Bating Pambungad

____________________

Open Ended

4. Pamitagang Pangwakas

____________________

Draw

5. Lagda

____________________

____________________

Gawain 3 Pagpapalawak ng Ideya

Ipaliwanag nang komprehensibo ang pagkakaiba ng dalawang anyo ng sulating teknikal sa tatlong aspeto. Ibigay ang pagkakapareho at pagkakaiba ng kanilang katangian, hakbang sa pagsasagawa at kahalagahan.

Open Ended

Isaisip

Hanapin ang sampung salitang teknikal sa pigura na maaaring makita sa anyong pababa, pataas pahilis at pahalang. Punan ang mga patlang ng wastong salitang nahanap upang mabuo ang pangungusap sa ibaba.

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Fill in the Blanks

Isagawa

Pagsulat ng Sulating-Teknikal

Pangkalahatang Panuto: Pumili ng alinmang sulating teknikal na iyong nais gawin. Sundan ang bawat panuto sa opsyong sulating iyong mapipili. Gawin sa isang malinis na short bond paper.

Opsyon 1 Paggawa ng Manwal

Panuto: Gumawa ng sariling manwal ng paggamit ng kahit anong device (hal. cellphone, electric fan, rice cooker at iba pa) Mag-isip ng pangalan ng produkto. Maging malikhain sa pagsulat ng iyong manwal. Sa pagbuo ng manwal, ang mithiin ng estratehiya ay malinang ang sumusunod:

• Malikhaing pag-iisip

• Maiisa-isa ang mga hakbang sa paggamit ng device

• Makabuo ng malinaw na manwal

• Makasunod sa hakbang ng pagsulat ng manwal

Opsyon 2 Pagsulat ng Liham Pangnegosyo

Panuto: Gumawa ng sariling liham aplikasyon para sa Work Immersion na ginagamitan ng Semi-Block Pormat. Sa pagbuo ng liham pangnegosyo, ang mithiin ng estratehiya ay malinang ang sumusunod:

• Matukoy ang layunin

• Ma-iisa-isa ang dahilan ng pagsulat

• Makabuo ng malinaw na liham pangnegosyo

• Mailapat ang kahusayang pangwika

• Makasunod sa hakbang ng pagsulat ng liham pangnegosyo

Tayahin

Basahin at unawain ang tanong sa bawat aytem. Isulat sa patlang ang letra ng tamang sagot.

Karagdagang Gawain

Ipagpalagay sa iyong sarili na ikaw ay naghahanap ng trabaho matapos ang pag-aaral ng kolehiyo. Gumawa ng isang liham pangnegosyo sa Anyong Block para sa pag-aaplay ng trabahong angkop sa kursong natapos. Gamiting gabay ang hakbang sa pagsulat ng liham, bahagi nito at mga tuntunin.