AP 9 Assessment 1

Alin sa sumusunod ang pinakaangkop na kahulugan ng ekonomiks?

• Ito ay matalinong pagpapasya ng tao sa pagsagot ng mga suliraning pangkabuhayan na kinakaharap.

• Ito ay tumutukoy sa siyensiya ng kaasalan ng tao na nakaimpluwensiya sa kaniyang pagdedesisyon.

• Ito ay pag-aaral ng tao at ng lipunan kung paano haharapin ang mga suliraning pangkabuhayan.

• Ito ay pag-aaral kung paano matutugunan ng tao ang kaniyang walang katapusang pangangailangan at kagustuhan sa harap ng kakapusan.

Ngayong nasa Grade 9 na si Peter ay lalo pa siyang ginanahang mag-aral ng mabuti upang makakuha ng average grade na 90 pataas dahil sa pangakong mamahaling cellphone ng kanyang nanay. Aling salik ng matalinong pagdedesisyon ang inilalarawan sa sitwasyon?

• Incentives

• Marginal Thinking

• Opportunity Cost

• Trade-off

Ang sagot sa mga pangunahing katanungang pang-ekonomiko sa sistemang ito ay nakabatay sa puwersa ng pamilihan.

• Traditional Economy

• Market Economy

• Command Economy

• Mixed Economy

Mahalaga at makabuluhan ang pag-aaral ng ekonomiks para sa mga kabataan. Ano sa palagay mo ang pinakamabuting maidudulot sa iyo ng pagkakaroon ng kaalaman sa ekonomiks?

• Maisasaulo ang mga konsepto sa ekonomiks upang madaling makapasa sa kolehiyo.

• Maaari kang magsilbing kritiko ng pamahalaan.

• Mapag-aaralan ang mga gawi, kilos, at siyentipikong pamamaraang makatutulong sa iyo sa pagdedesisyong pangkabuhayan ngayon at sa hinaharap.

• Magkaroon ka ng kakayahang makapagturo rin ng ekonomiks.

Masaya si Shane sa kanyang napiling baonan dahil maliban sa ito ay maganda at mura, eco-friendly pa. Ang sitwasyon na ito ay isang halimbawa ng anong konsepto ng matalinong pagdedesisyon?

• Incentives

• Marginal Thinking

• Opportunity Cost

• Trade-off

Sa iba’t ibang sistemang pang-ekonomiya na umiiral sa mundo, anong katangian na nakapagbubukod-tangi sa sistemang mixed economy na siyang dahilan upang ito ang ginagamit ng mas nakararaming bansa?

• Ang pagkontrol ay alinsunod sa komprehensibong kontrol at regulasyon ng pamahalaan.

• Ang anomang produkto na kanilang nalilikha ay ipamamahagi ayon sa kanilang pangangailangan at kung sino ang dapat gumamit.

• Nagpapahintulot sa pribadong pagmamay-ari ng kapital, pakikipagugnayan sa pamamagitan ng presyo at pangangasiwa ng gawain

• Hinahayaan dito ang malayang pagkilos ng pamilihan subalit maaaring manghimasok o makialam ang pamahalaan sa mga usaping nauukol sa pangangalaga ng kalikasan, katarungang panlipunan, at pagmamay-ari ng estado.

Ang kakapusan o scarcity ay maaaring umiral sa mga pinagkukunang yaman tulad ng yamang likas, yamang tao, at yamang kapital. Nagkakaroon ng kakapusan sa mga ito dahil:

• Limitado ang mga pinagkukunang yaman at walang katapusan ang pangangailangan at kagustuhan ng tao

• Sa mga bagyo at iba pang uri ng kalamidad na pumipinsala sa mga pinagkukunang-yaman

• Sa mga negosyanteng nagsasamantala at nagtatago ng mga produktong ibinebenta sa pamilihan

• Likas na malawakan ang paggamit ng mga tao sa pinagkukunang yaman ng bansa

Bilang bahagi ng lipunan, paano makatutulong ang pag-aaral ng ekonomiks?

• Nagagamit ang kaalaman sa pag-unawa ng napapanahong isyu sa politika.

• Nakatutulong ito upang maintindihan ang mga mahahalagang usaping pangekonomiya.

• Nauunawan mo kung bakit maraming tao ang nagnenegosyo.

• Naiintindihan mo ang sistema ng paghahanap-buhay, paggasta at pagiimpok.

Ang sistemang pang-ekonomiko ay sumasagot sa apat na pangunahing pangekonomiko. Alin sa sumusunod ang kasagutan ng Traditional Economy sa katanungang: Ano-anong produkto at serbisyo ang gagawin?

• Ang produkto at serbisyong gagawin ay nakabatay sa puwersa ng pamilihan.

• Ang produkto at serbisyong gagawin ay nakabatay sa utos ng pamahalaan.

• Ang produkto at serbisyong gagawin ay nakabatay sa nakaugalian, kultura at paniniwala.

• Ang produkto at serbisyong gagawin ay nakabatay sa puwersa ng pamilihan at pamahalan.

Alin sa sumusunod ang may pinakawastong interpretasyon sa kasabihang, “There isn’t enough to go around.” ni John Watson Howe?

• May limitasyon ang mga pinagkukunang-yaman kaya’t hindi ito sasapat sa pangangailangan ng tao.

• Ang walang pakundangan na paggamit ng pinagkukunang-yaman ay hahantong sa kakapusan.

• Walang hanggan ang pangangailangan ng tao gayundin ang mga pinagkukunang-yaman.

• May hangganan ang halos lahat ng pinagkukunang-yaman sa buong daigdig.