TAYAHIN (IKALAWANG MARKAHAN-ARALIN 5)

Anong elemento ng maikling kuwento ang nais bigyang-pansin sa bahaging ito?

(Natatanaw ko ang aking sarili sa isang masusukal at tahimik na kapaligiran. Tanging huni ng ibon lamang ang maririnig at paspas ng hangin. Isang maliit na bahay na giray na giray na yari sa kawayan ang makikita sa di-kalayuan.)

• TAGPUAN

• BANGHAY

• TAUHAN

• SUKDULAN

Ang krisis ay may simula, ________ may katapusan kaya hanapin ang pinakamaikling landas sa pagitan ng simula at katapusan nito. Alin sa sumusunod ang angkop na pangatnig upang mabuo ang diwa ng pangungusap?

• dahil sa

• datapwat

• at

• samantala

Anong bahagi ng kuwento ang tumutukoy sa kapana-panabik na pangyayari sa kuwento?

• panimula

• kasukdulan

• suliranin

• wakas

Ilang beses na rin kaming nagkasabay kumain ng aking ama. Maraming pagkakataon na rin na maaari ko nang maipagtapat ang tunay na saloobin ko sa ginawa niya. Subalit ang aking bibig ay waring kinandado at ang paa ko’y nangangatog sa kaba. Ano ang ipinapahiwatig ng pahayag na ito?

• natatakot siya sa kanyang ama

• may galit siya sa kanyang ama

• hindi niya kapalagayang loob ang ama

• masama ang loob niya sa kanyang ama

“Alam mo ba kung paano ka nakakuha ng lisensya gayong maraming retirado at walang trabaho ang hindi makakuha?” “Dahil…dahil kailangan ko ng trabaho?” “Kinakailangan ka ng pamahalaan, tiyak ko na alam mo iyan.” Ano ang mahihinuha sa usapang ito?

• dapat magbayad sa kapwa

• walang pakialam sa kapwa

• may pagpapahalaga sa mga mamamayan

• higit na pinahahalagahan ang lalaki kaysa babae

“Dapat lang na maging maayos ang buhay mo sa taong ito. Dapat may trabaho ka na. Ayusin mo at hahanapan kita ng nobya.” Anong katangian ng mga lalaki ang ipinakikita rito?

• inaasahang mangalaga sa tahanan

• inaasahang mag-alaga sa mga anak

• inaasahang magtrabaho para sa asawa

• inaasahang magtrabaho para sa pamilya

Alin sa sumusunod na mga pahayag ang HINDI gumagamit ng transitional devices?

• Maaabot din niya ang kanyang pangarap.

• Sa wakas, nakatapos din siya ng pag-aaral.

• Sa pagkakataong ito, ako na ang masusunod.

• Nakatanggap sila ng award dahil sa pagtutulungan.

“Gustong lumaban ni Rigor ngunit wala siyang lakas kaya nagpanggap na lamang siyang tanga.” Ano ang ibig sabihin ng pahayag?

• duwag

• mahina ang loob

• matapang

• takot

“Nakabilanggo pa rin ang kanyang isip at damdamin kahit siya ay nakalaya na mula sa ilang taong pagkabilanggo.” Ano ang ipinapahiwatig ng pahayag na ito?

• Naalala niya ang kanyang mga kasama sa bilangguan.

• Hindi pa rin siya nakalabas mula sa bilangguan.

• Iniisip niya ang mga naiwan sa loob ng bilangguan.

• Lagi niyang naalala ang mga karanasan sa loob ng bilangguan.

Aling pahayag sa ibaba ang tumutukoy sa kahalagahan ng pangatnig at transitional devices?

• nakatutulong sa pagsusunod-sunod ng mga pangyayari sa isang kuwento

• nagbibigay- kahulugan sa konotasyon at denotasyon ng mga salita

• tumutukoy sa mga pangunahing tauhan sa maikling kuwento o alamat

• kumikilala kung kailan naganap, nagaganap, at gaganapin ang kilos o pangyayari