NILALAMAN NG IBONG ADARNA (UNANG BAHAGI-MAHIRAP)

Alin sa sumusunod ang hindi nakatulong kay Don Juan para magtagumpay sa kanyang misyong mahuli ang Ibong Adarna?

• Paghingi ng patnubay at gabay sa Birheng Maria

• Pagsunod sa payo ng ermitanyo

• Pagtulong sa dalawang kapatid na naging bato

• Pagtulong sa matandang leproso

Hindi kaya baga ito

ay sa Diyos na sikreto?

Kawangis ni Hesukristo

ang banal na ermitanyo?

Sang-ayon sa turo ng Katolisismo, ano ang ipinahihiwatig na konsepto nito?

• Himala

• Kababalaghan

• Misteryo

• Talinhaga

Sa araw na kayo’y muling

magkasala kahit munti,

patawarin kayo’y hindi

sinuman nga ang humingi.

Ano ang mensaheng nakapaloob sa saknong?

• Ang pagkakamaling nagagawa ng tao ay may karampatang parusa.

• Ang problema ay bahagi ng buhay ng bawat nilalang.

• Kapag gumawa ng kasalanan ay pagpapatawad ang solusyon.

• Maraming problemang nararanasan ang mga tao.

Sa lambing ng mga awit,

ang prinsipeng nakikinig,

mga mata’y napapikit,

nakalimot sa daigdig.

Mula sa saknong, ano ang nais nitong ipahiwatig?

• Ang taong tumitingin lamang sa ganda, sa tukso ay madalas nadadala.

• Ang taong layo’y kinalimutan, maliligaw sa patutunguhan.

• Ang taong madaling maloko, madalas malapit sa gulo.

• Ang taong madaling matukso, madalas natatalo.

Nang sa Birhe’y makatawag

ay sandaling namanatag,

lubusang nagpasalamat

sa Diyos, Haring mataas.

Ano ang mahihinuhang aral sa saknong na ito?

• Ang Diyos ay mataas na dapat tawagin at tingalain.

• Ang pagtawag sa Diyos ay mabisa para magtagumpay sa mga pagsubok.

• Ang pananalig sa Diyos ay nagbibigay ng kapayapaan sa kalooban.

• Sa oras ng pangangailangan, dapat lamang na tumawag sa Diyos.

Huwag nating tutularan

ang ugaling di mainam

na kaya lang dumaramay

ay nang upang madamayan.

Ano ang kaisipang mabababatid sa saknong?

• Ang pagdamay ay dapat gawin lamang sa mga malalapit na kaibigan.

• Ang pagiging matulungin ay isang tungkulin ng lahat ng tao.

• Ang pagtulong ay dapat bukal sa kalooban, hindi lamang kung kailan kailangan.

• Ang pagtulong sa iba ay hindi mahalaga kung wala namang kapalit.

Noon niya napagsukat

ang sa tao palang palad

magtiwala ay mahirap

daan sa pagkapahamak.

Alin sa sumusunod ang taliwas sa kaisipang mahihinuha sa saknong?

• Ang labis na pagtitiwala ay maaaring magdulot ng kapahamakan.

• Kahit na sinuman, bago pagkatiwalaan ay dapat pag-isipan.

• Maging mapanuri sa lahat ng oras, upang ang pagtataksil ay hindi madanas.

• Mahalagang pundasyon sa anomang relasyon ang pagtitiwala sa lahat ng pagkakataon.

 Bawat isang pangungusap

anong linaw at liwanag,

kaya sa tanang kaharap

daming bagay ang nabunyag.

Ano ang kasabihang angkop sa kaisipang masasalamin sa saknong?

• Ang dila ay walang buto, subalit nakababasag ng pagkatao.

• Ang isdang bulok at mabaho, umaalingasaw at di matatago.

• Gaano man katalino ang matsing, napaglalalangan din.

• Kapag may itinanim, may aanihin.