4 түйме және 3 түйреуіш 26 теңге тұрады, ал сондай 2 түйме мен 2 түйреуіш 14 теңге тұрады. 8 түйме мен 7 түйреуіш қанша теңге тұратынын анықтаңыз.

Егер Арман 8 қаламсап сатып алатын болса, оның 10 теңгесі артылып қалады. Ал егер 13 қаламсап сатып алатын болса, онда 15 теңге ақшасы жетпейді. Арманның қанша ақшасы бар?

Егер бір топ торғай әр бұтаққа бір-бірден қонса, ондай 5 торғайға бұтақ жетпейді. Ал егер әр бұтаққа 3 торғайдан қонса, онда 17 бұтақ артық қалады. Қанша торғай бар екенін табыңыз.

Асан мен Үсен футбол добын сатып алғысы келді. Оны сатып алу үшін Асанның 20 теңгесі, ал Үсеннің 30 теңгесі жетпейді. Олар ақшаларын қосып, доп сатып алды және 60 теңге ақшасы қалды. Футбол добы қанша тұрады?

Егер оқушыларды партаға 2-ден отырғызса, онда 6 оқушыға орын жетпей қалады, ал егер үш адамнан отырғызсақ, онда 4 парта бос қалады. Сыныптағы оқушылар санын анықтаңыз.

Дүкенге 10 литрлік және 17 литрлік бидонға құйылған 223 литр май әкелінді. Дүкенге 17 литрлік қанша бидон май әкелінді?

Сыныпқа келмеген оқушылардың саны сабаққа қатысқандардың 1/5 бөлігін құрайды. Кешіккен 1 оқушы келгеннен кейін келмегендердің саны қатысқандардың 1/6 бөлігін құрады. Осы сыныпта барлығы қанша оқушы оқиды?

Мектеп викторинасында оқушыларға 20 сұрақ ұсынылды. Әрбір дұрыс жауап үшін оқушыға 12 ұпай жазылды, ал әрбір дұрыс емес жауаптар үшін 10 ұпай алынып тасталды. Викторинада барлық сұраққа жауап беріп (дұрыс немесе қате) 86 ұпай жинаған оқушы қанша сұраққа дұрыс жауап берді?

Екі жыл бұрын ағасының жасы қарындасының жасынан екі есе артық еді. Ал сегіз жыл бұрын ағасының жасы қарындасының жасынан 5 есе артық болған. Ағасы қазір қанша жаста?

Төрт мысықты қос-қостан олардың мүмкін барлық комбинациялары бойынша таразыға тартқанда 6 кг, 7 кг, 8 кг, 9 кг, 10 кг, 11 кг болды. Барлық 4 мысықтың жалпы салмағын анықтаңыз.

Балықшылар аулаған сазан мен көксерке 37, шортан мен көксерке 19, алабұға мен шортан 75. Балықшылар аулаған сазан мен алабұға нешеу?

Пифагор өз мектебінде оқитын шәкірттері жайында мынандай анықтама берген: «Шәкірттердің жартысы математиканы, төрттен бірі музыка пәнін қызығып оқиды, жетіден бірі тек тыңдап отырады және тағы үш қыз бар» - деді. Пифагордың қанша оқушысы бар?

Картопты 5 кг және 3 кг-дық 24 пакетке салған. 5 кг-дық пакетке салынған картоптың жалпы салмағы 3 кг-дық пакетке салынған жалпы картоптың массасына тең. Картоп 5 кг-дық қанша пакетке салынған?

Марат 5 алма сатып алды. Олардың біріншісінен басқаларының салмағы 798 г, екіншісінен басқаларының салмағы - 794 г, үшіншісінен басқаларының салмағы - 813 г, төртіншісінен басқаларының салмағы - 806 г, бесіншісінен басқаларының салмағы - 789 г. Барлық 5 алманың массасы қаншаға тең?

Нұржан нысанаға дәл тигізсе 10 теңге алады, тигізе алмаса 15 теңге береді. Нұржан 20 атыстан соң 100 теңге алады. Ол нысанаға неше рет дәл тигізген?

Анасы Айдын, Жанерке және Сәкенгенге сатып әкелген алмұртты тең бөліп алуды тапсырды. Айдын, үйге бірінші болып келіп, алмұрттың үштен бірін алып, үйірмеге кетіп қалды. Ал Жанерке бірінші келдім деп ойлап, қалған алмұрттың үштен бір бөлігін алып кетті. Содан соң Сәкен келіп алмұрттың үштен бір бөлігін жеді. Соңында сөмкеде 8 алмұрт қалды. Анасы балаларына қанша алмұрт қалдырған?

Футбол жарысында жеңіске жеткен команда 3 ұпай, ұтылғаны 0 ұпай, ал тең ойнаған жағдайда 1 ұпайға ие болады. 31 ойыннан кейін «Шахтер» командасының 64 ұпайы болды, оның ішінде 7 рет тепе-тең ойнады. «Шахтер» командасы неше рет ұтылды?

Ұлы, қызы және анасы үшеуі бірігіп бірнеше теңге жаратты. Ұлы мен анасы 320 теңге, ұлы мен қызы 250 теңге, ал қызы мен анасы 200 теңге жұмсаған. Барлығы қанша теңге жұмсағанын табыңыз.

Шырынмен толтырылған ыдыстың салмағы 1000 г, ал лимонадпен толтырылған ыдыстың салмағы 1600 г. Лимонад шырыннан екі есе ауыр болса, ыдыстың салмағын табыңыз.

Алдар көсе байдың үйіне жұмысқа жалданды. Бір жылдық жұмыс істегені үшін 1 жылқы және 10000 теңге алу керек болатын. Бірақ ол 7 айдан соң жұмыс істегісі келмей, жұмыстан кетеді. Өзімен 1 жылқы және 2000 теңге алып кетеді. 1 жылқының құны қанша екенін табыңыз.

Айтбай орманнан жаңғақ теріп әкелді. Жаңғақтың жартысынол қарындасына берді, ал қалғанының жартысын інісіне берді. Сыдан кейін Айтбайда 25 жаңғақ қалды. Айтбай орманнан қанша жаңғақ әкелді?

Құсбегі бір көгершінді 4000 теңгеге сатып алып, содан кейін оны 4500 теңгеге сатты. Кейінірек өкініп, сол көгершінді 5000 теңге беріп қайтарып сатып алады. Екі күннен кейін қайтадан көгершінді 5500 теңгеге сатты.. Құсбегі осы саудада неше теңге пайда тапты немесе шығынға кетті?

Мен, апам және анам үшеуміздің салмағымыз 140 кг. Анамның салмағы апамның салмағынан 10 кг-ға артық, ал екеуінің салмағы менің салмағымнан 80 кг-ға артық.Менің салмағым қанша кг?

Аулада қояндар мен тауықтар жайылып жүр. Тауықтардың қояндардан  8-і артық. Барлығының аяқтарының саны 46 екені белгілі болса, аулада неше қоян, неше тауық жайылып жүр?