Bidelaguntza motak

Ikasle batek matematikako azterketako jarduera bat beste bide bat jarraituz ebatzi du. Emaitza zuzena da baina ez ditu jarraitu gelan irakatsitako pausuak. 

Zer egingo zenuke?

• Garrantzia ematen diot irakatsitako bidea ikasteari, etorkizuneko ariketak egiteko garrantzitsua delako eta beraz ez du punturik lortuko.

• Bere kabuz eginiko bidea nahi dut, beren kabuz gauzak egiteari eta autonomia izateari garrantzia ematen diodalako.

•  Eginiko bide berria goraipatuko nuke eta besteen aurrean azaltzera animatuko nuke.

Galtzakomik komiki lehiaketa antolatu da eta aurten arteko ikasgaia hori egiteko erabiltzea erabaki da. Ikasle batzuk, ordea, galdetuta daude eta ez dakite zer egin. Zer egingo zenuke?

• Komikiaren inguruko saioa antolatuko nuke aurretik. Komiki adibide desberdinak eman, lehengo urteetako komiki irabazleak erakutsi, testua nola idatzi aztertu… Ahalik eta informazio gehien izan dezaten ondo egiteko.

• 1. Beren burua gainditzea eta lana erakargarri izatea bilatuko nuke: aurrez egin dituzten lanen balorazio positiboak eginez, parte hartzera animatuz, sariak zein diren azalduz, esperientzia polita izango dela esanez, gehiago egiteko gai direla adieraziz…

• 1. Ikasleen arteko elkarlana bultzatuko nuke, euren artean laguntzeko gai direla sinetsiz eta ni behaketa lanetan arituz, autonoma bultzatuz.

• 1. Komikiaren istorioa eginda emango nieke laguntza gisa, gero beraiek hori marraztu dezaten.

Lehen mailako 5 urteko ikasle bat etorri zait psikomotrizitate saioaren amaieran eta laguntza eskatu dit zapatilak lotzeko. Ikasle honek badaki lokarriak lotzen, zer egingo dut?

• Berak bakarrik badakiela esango diot eta bakarrik egitera animatu. Gogoratuko diot nola egiten den nire lokarriekin eta motibatzen saiatuko naiz.

• Berak bakarrik badakiela esango diot, besteetan ere lotzen dituela eta aurreratu egingo naiz, berak bakarrik egin dezan eta taldera etorri dadin.

• Lokarriak lotuko dizkiot.

Gorputz hezkuntzan patinekin ibiltzeko saioa da eta ikasle batek ez daki ibiltzen. Ez duela ibili nahi esan dit. Zer egin?

• Besteen aurrean gaizki pasako duela, mina hartu dezake… Ez dut nahi haurra haserretzea edo tristetzea. Niri laguntzeko lanetan jarriko dut.

• Patinetan ibiltzen ikastera animatuko dut, ikasten duenean oso ondo pasako duela esanez eta besteekin jolasteko lagunduko diodala adieraziz.

• Bere lagunei laguntzeko esango diet, beraien artean hobeto moldatuko dira ni sartuta baino.

Teknologia jakintzagaian gaude eta proiektu bat egin behar du nerabe bakoitzak banaka. Nerabe bat proiektu batekin hasten da baina segituan utzi egiten du. Hirugarrena hasi duela baina ez du ezer amaitzen. Zer egingo zenuke?

• Proiektuak amaitu egin behar direla esango nioke, esfortzua bizitzan garrantzisua dela uste dudalako.  Bukatzeko zer pausu jarraitu beharko lituzken adieraziko nioke bera bakarrik egiteko gai ez delako.

• Azalduko nioke proiektuak amaitzean daukan garrantzia eta arrazoiak ulertarazten saiatuko nitzateke. Agintzea alde batera utzi eta jarraitu beharreko pausuak adostuz, gizartean egin beharko litzatekeen bezala.

• Hasi dituen proiektuetatik gehien motibatuko duena aurkitzen lagunduko nioke eta nola amaitu behar duen azalduko nioke, barruko interesa pizteko. Balorazio positiboak ere egingo nizkioke autoestimua hobetzeko.