Modyul 5- Para sa Sariling Pagkatuto Katangian at Anyo ng Akade

Presentation

•

Other

•

12th Grade

•

Practice Problem

•

Hard

Edgar Monte

FREE Resource

30 Slides • 30 Questions

Filipino sa Piling Larang

(Akademik)

Modyul 5- Para sa Sariling Pagkatuto

Katangian at Anyo ng Akademikong Pagsulat

M G A I N A A S A H A N

A. Nakikila ang iba’t ibang akademikong sulatin ayon sa layunin,

gamit,katangian at anyo;

B. Naiisa-isa ang mga katangian at anyo ng akademikong sulatin;at

C. Napahahalagahan ang mga katangian at anyo ng akademikong

sulatin.

Draw

PAUNANG PAGSUBOK

Panuto: Hanapin sa loob ng kahon ang limang salitang tumutukoy sa

katangian ng akademikong sulatin. Isulat ang sagot sa sagutang papel.

BALIK-ARAL

Panuto:Piliin ang tamang letra sa loob ng kahon.Isulat ang iyong sagot sa sagutang papel.

Fill in the Blanks

Fill in the Blanks

ARALIN

Katangian ng Akademikong Pagsulat

Ang akademikong pagsulat ay nagtataglay ng kalikasang katotohanan, katibayan at balanse.Ilan sa mga binanggit na katangian ng akademikong pagsulat ay ang pagiging tumpak, pormal,impersonal at obhetibo nito. Hindi mahirap unawain kung bakit kinakailangan ng mga nabanggit na katangian sa akademikong pagsulat. (sa Bernales, et. al.,2017).

ARALIN

Ayon sa uefap.com., ang akademikong pagsulat sa wikang Ingles ay

linear.Walang dahilan upang hindi mailapat ang gayong obserbasyon sa wikang Filipino o sa iba pang wika.Ibig sabihin, ang akademikong pagsulat sa ano mang wika ay may tinutumbok na isang sentral na ideya o tema at ang bawat bahagi ay nag-aambag sa pangunahing linya ng argumento nang walang digresyon o repetisyon.Ang layunin nito’y magbigay ng impormasyon, sa halip na umaliw.Gumagamit din ito ng standard na porma ng pasulat na wika.

Ang iba pang katangian ng akademikong pagsulat ay ang sumusunod:

1. Kompleks-ang pagsulat ng wika ay mas kompleks kaysa sa pasalitang wika.Ang pasulat na wika ay may higit na mahahabang salita, mas mayaman sa leksikon at bokabularyo.Maidaragdag pa rito ang ang kompleksidad ng gramatika na higit na kapansinpansin

sa ano mang pasulat na gawain.

2. Pormal-Higit na pormal ang akademikong pagsulat kaysa iba

pang sangay ng pagsulat.Hindi angkop dito ang mga kolokyal at

balbal na salita at ekspresyon.

3. Tumpak-sa akademikong pagsulat, ang mga datos tulad ng facts and figures ay inilalahad nang tumpak o walang labis at walang kulang.

4. Obhetibo-ang akademikong pagsulat, sa pangkalahatan ay obhetibo, sa halip na personal.Ang pokus kasi nito kadalasan ay ang impormasyong nais ibigay at ang mga argumentong nais gawin, sa halip na ang manunulat mismo o ang kanyang mambabasa.

5. Eksplisit-ang akademikong pagsulat ay esksplisit sa ugnayan sa loob ng teksto. Responsibilidad ng manunulat nito na gawing malinaw sa mambabasa kung paano ang iba’t ibang bahagi ng teksto ay nauugnay sa isa’t isa.Ang ugnayang ito ay nagagawang eksplisit sa pamamagitan ng paggamit ng iba’t ibang salitang signaling words sa teksto.

6. Wasto-ang akademikong ay gumagamit nang wasto ng mga bokabularyo o mga salita.Maingat dapat ang manunulat nito sa paggamit ng mga salitang madalas katisuran o pagkamalian ng mga karaniwang manunulat.

7. Responsable- sa akademikong pagsulat, ang manunulat ay kailangang maging responsable lalong-lalo na sa paglalahad ng mga ebidensya, patunay o ano mang nagpapatibay sa kanyang argumento.Kailangan din niyang maging responsable sa pagkilala sa ano mang hanguan ng impormasyong kanyang ginamit kung ayaw niyang maparatangan na isang plagyarista.

Ang iba pang katangian ng akademikong pagsulat ay ang sumusunod:

Sa mga katangiang natalakay ay maidaragdag ang sumusunod na mula naman sa www.vsm.sk:

8. Malinaw na Layunin – ang layunin ng akademikong pagsulat ay matugunan ang mga tanong kaugnay ng isang paksa.Ang mga tanong na ito ang nagbibigay ng layunin.

9. Malinaw na Pananaw- ang akademikong pagsulat ay hindi lamang listahan ng mga katotohanan o facts at paglalagom ng mga hanguan o sources.Samantalang ang manunulat ay naglalahad ng mga ideya at saliksik ng iba, ang layunin ng kanyang papel.Ito ay tinatawag na sariling punto de bista ng manunulat.

10. May Pokus – bawat pangungusap at bawat talata ay kailangang sumusuporta sa tesis na pahayag.Kailangang iwasan ang mga hindi kinakailangan, hindi nauugnay, hindi mahalaga at taliwas.

11. Lohikal na Organisasyon-ang akademikong pagsulat ay may sinusunod na istandard na organisasyonal na hulwaran.Ang karamihan ng akademikong papel ay may introduksyon,katawan at kongklusyon.Bawat talata ay lohikal na nauugnay sa kasunod na talata.

12. Matibay na Suporta-ang katawan ng talataan ay kailangang may sapat at kaugnay na suporta para sa pamaksang pangungusap at tesis na pahayag.Ang suportang ito ay maaaring kapalooban ng facts, figures, halimbawa, deskripsyon, karanasan, opinyon ng mga ekspert at siniping pahayag o quotations.

13. Malinaw at Kumpletong Eksplanasyon- napakahalaga nito, dahil bilang manunulat ,kailangang matulungan ang mambabasa tungo sa ganap na pag-unawa ng paksa ng papel at magiging posible lamang ito kung magiging malinaw at kumpleto ang pagpapaliwanag sa bawat punto ng manunulat.

14. Epektibong Pananaliksik – sa karamihan ng akademikong papel, kailangang gumamit ng napapanahon,propesyonal at akademikong hanguan ng mga impormasyon.Dahil dito, napakahalaga ng pananaliksik sa akademikong pagsulat. Kaugnay nito, mahalagang maipamalas ang intelektwal na katapatan sa pamamagitan ng dokumentasyon ng lahat ng hinangong impormasyon o datos. Iminumungkahi na angb dokumentasyon ay sa estilong A.P.A.

15. Iskolarling Estilo sa Pagsulat – kakaiba ang estilo sa akademikong pagsulat, kaysa ibang uri ng pagsulat, tulad halimbawa sa malikhaing pagsulat.Iskolarli ang estilo sa pagsulat ng akademikong papel dahil sinisikap dito ang kalinawan at kaiklian.Kailangan ding maging madaling basahin ang akademikong papel,kung kaya’t napakahalaga na maiwasan ang mga pagkakamali sa gramar, ispeling, pagbabantas at bokabularyo sa pagsulat nito. Ang mga gayong pagkakamali ay nagpapahiwatig ng kawalan ng pag-iingat,kung hindi man ng kakulangan ng kaalaman sa wika.